23 DE FEBREIRO DÍA DE
ROSALÍA DE CASTRO
Hoxe día 23
de Febreiro, festexamos o Día de Rosalía de Castro. Unha das poetas galegas máis destacadas e unha grande novelista española. Hoxe aprendimos moitas cousas sobre ela. Comezamos
a mañá indagando información a través de varios contos en diferentes soportes, Kamishibai e tamén
proxectados na pantalla dixital. Dos contos extraemos a seguinte información: Rosalía de Castro naceu en Santiago de Compostela, morreu en Padrón, o seu esposo Manuel Murguía tamén foi un grande escritor, xuntos tiveron seis fillos e tamén escoitamos o nome dunhas das súas obras máis destacadas.
Tamén quixemos homenaxear este día
realizando un pequeno traballo artístico, pintando unhas caricaturas de
Rosalía, empregando diferentes técnicas para logo expoñelas na entrada da
escola, na zona acristalada.
No comedor a xornada de hoxe tamén estivo presente, no noso menú onde o primeiro prato foi unha deliciosa crema de caldiño e os nosos salvamanteis co famoso poema do Caldo de Gloria.
”CALDO DE GLORIA”
Para
culminar a xornada neste día de Rosalía, asistimos a unha sorpresa na
que nos contaron cómo se prepara un
Caldo de Gloria, unha receita típica de Padrón, que se fixo famosa grazas á
gran poeta, que reflexaba no seu poema “Miña
casiña, meu lar” contando como unha
muller chega a Padrón, dende Santiago de Compostela, cansa e famenta, e a pesar da súa pobreza logra
preparar un caldo de Gloria. Terminamos esta magnífica sorpresa bailando ao
ritmo das pandeireiteiras de música tradicional galega Tanxugueiras.
INDAGANDO SOBRE ROSALÍA DE CASTRO...
